Kosova ditën e djeshme festoi 11 vjetorin e Pavarësisë, në ceremoninë e zhvilluar kanë marrë pjesë politikanë, intelektualë, artistë, gazetarë nga vendi, rajoni dhe bota.
Pjesë e festimeve ishte edhe gazetari amerikan Nolan Peterson, i cili është korrespodenti “The Daily Signal”.
Në rrjetet sociale Peterson kishte treguar diçka të jashtëzakonshme që i kishte ndodhur ditën e djeshme në një restorant në Kosovë.
Pasi kishte përfunduar së ngrëni drekën, Peterson kishte thirrur kamerierin për të shlyer llogarinë por ky i fundit e kishte surprizuar me përgjigjen e tij.
“Vendi juaj shpëtoi t’toni, Më së paku që mund të bëj është t’ju paguaj një drekë”, – ishte shprehur kamarieri.
Postimi i plotë i Nolan Peterson:
Sot Kosova festoi 11 vjet pavarësi. Para paradës, pata drekë në një restorant në Prishtinë. Kur e pyeta kamarierin përt llogarinë, ai thjeshtë buzëqeshi dhe tha, “E keni nga shtëpia.” E pyeta pse. “Vendi juaj shpëtoi t’tonin”, tha ai. “Më së paku që mund të bëj është t’ju paguajmë një drekë.”
