Sekretari i Përgjithshëm i Partisë Demokratike Gazment Bardhi deklaroi se vendimi për djegien e mandateve ishte një vendim unanim i të gjithë grupit parlament demokrat.
I pyetur nga drejtuesi i emisionit ‘Opinion’ nëse ndonjë nga deputetët apo kandidatët nuk do të pranojë të dorëzojë mandatin, atëherë ai do të konsiderohet tradhtar i popullit shqiptar.
‘Do të ketë procedura për djegien e mandateve. Ky është një vendim politik. Në përputhje me proçedurën ligjore, kjo do të konkretizohet në heqje dorë të çdo deputeti anëtarë të grupit të PD. Sot në mbledhjen e orës 10:00 kanë marrë fjalën të gjithë deputetët e PD, nuk ka patur asnjë zë kundër, të gjithë deputetët vendosën të dorëzojnë mandatin, si e vgetmja rrugë për të shpëtuar vendin. Nuk besoj se do të ketë deputet që nuk do të dorëzojë mandatin, kush del kundër vullnetit popullor do të quhet tradhtar. Askush nuk ka fituar mandat individual, atë e ka marrë në emër të PD nga populli. Nëse Edi Rama do të tentojë të blejë deputetë apo kandidatë për deputetë, kjo zgjedhje e tij thjeshtë rëndon situatën ku e ka zhytur vendin’, deklaroi Bardhi.
