Tashmë që kanë mbetur vetëm pak minuta nga nisja e protestës, kreu i Policisë së Shtetit, Ardi Veliu i është bashkuar kolegëve dhe vartësëve të tij përpara Kryeministrisë, për të dhënë mesazhin e tij të fundit.
“Ju thashë edhe pak më parë, jemi për të bërë punën. Dikush mund të ngrejë zërin, dikush mund t’ju shajë, ju mos dëgjoni nga ai vesh. Vetëm shikoni dhe ruani gjakftohtësinë. Nuk ka për të ndodhur asgjë. Ruani gjakftohtësinë dhe suksese”, dëgjohet Veliu teksa u drejtohet policëve.
Protesta do të nisë në orën 11.00 menjëherë pasi të mbërrijnë edhe krerët e Partisë Demokratike.
