Kreu i Policisë së Shtetit Ardi Veliu është shfaqur para kryeministrisë duke takuar efektivet e vendosur atje në kuadër të protestës së sotme.
Veliu në një prononcim të shkurtër për gazetarët u shpreh: “Kam ardhur të falenderoj policët që kanë bërë detyrën në mënyrë të shkëlqyer”.
Gjatë protestës së sotme, u hodh gaz lotsjellës, që solli probleme shëndetësore ndaj shumë protestuesve. Mbi 10 persona u transportuan në spital për të marrë ndihmë mjekësore si pasojë e helmimit nga gazi lotsjellës, mes tyre protestues, gazetarë dhe efektivë policie.
Ndërkohë Policia e Shtetit dhe Prokuroria pritet të fillojnë hetimin në lidhje me incidentet në protestën te Kryeministria. Një grup hetimi ka mbërritur në vendin e ngjarjes për mbledhjen e provave.
/BN/
