Kreu i Partisë Demokratike, ka reaguar edhe sërish në rrjetet sociale, pas protestës së ditës së sotme. Përmes një postimi në Facebook, Basha, shkruan se populli shqiptar diktoi sot rrugën pa kthim drejt së ardhmes.
Sipas tij protesta e sotme madhështore ishte një tregues i qartë se shqiptarët nuk e duan këtë qeverisje hajdute dhe kryehajdutin Edi Rama.
Ja postimi i Bashës:
Një popull i tërë i bashkuar si kurrë më parë në protestën më madhështore në Shqipëri është ngritur kundër qeverisë hajdute dhe kryehajdutit të saj që e vjedhin dhe e varfërojnë përditë. Koha e fjalëve mbaroi! Sovrani diktoi sot rrugën pa kthim drejt së ardhmes!
