Mes të ndaluarve për protestën e dhunshme të opozitës sot para Kryeministrisë është edhe i ashtuquajturi “Ujku i Cërrikut”. Saimir Servet Rexhep, 42 vjeç është prangosur nga komisariati i policisë së Cërrikut për llogari të policisë së Tiranës.
Sipas policisë, personazhi atipik ka qenë mes grupit të protestuesve që sulmoi ndërtesën qeveritare.
Mësohet se “Ujku i Cërrikut” është dërguar mbrëmjen e sotme në ambientet e Drejtorisë së Policisë të Tiranës.
“Ujku i Cërrikut”, u bë i “famshëm” në disa dalje në media. Të njohur e bëri Arian Çani duke e ftuar në emisionin “Zonë e Lirë”.
