Një aksident i ndodhur në qytezën italiane Albettone, në Vinçenca i ka marrë jetën një shqiptari këtë të shtunë. Viktima, sipas raportimeve të mediave italiane është Luan Hakrama, 40 vjeç me origjinë nga Tirana dhe baba i tre fëmijëve.
Aksidenti
Sipas të njëjtave burime, 40-vjeçari ishte duke lëvizur me një automjet tip “Volkswagen” që është përplasur kokë më kokë me një “Mercedes GLC” rreth orës 15. Shqiptari ka ndërruar jetë në vend si pasojë e dëmtimeve të marra. Sipas një rindërtimi paraprak të ngjarjes nga policia lokale, shqiptari ka humbur drejtimin e makinës me të cilën lëvizte dhe është futur në korsinë e gabuar duke u përplasur me mjetin tip “Benz” që drejtohej nga një italian 52 vjeç. Ky i fundit nuk raportohet të ketë pësuar lëndime të rënda.
Hakrama, i martuar dhe babai i tre fëmijëve, jetonte në komunën “Barbarano Mossano” në Vinçenca. /BOLDNEWS.AL/
