Flamurtari dhe Skënderbeu do të përballen nesër në orën 17:00 në Vlorë, në ndeshjen e vlefshme për javën e 22-të të Kategorisë Superiore. Një përballje mes këtyre dy ekipeve na ka dhuruar gjithmonë grintë, emocione dhe gola dhe një rivalitet të ashpër në dekadën e fundit.
Si vlonjatët ashtu dhe korçarët janë duke kaluar një moment shumë të vështire ku pozicionohen në vendin e 6 dhe të 4 të tabelës së Superligës Shqiptare. Të dy ekipet do të kërkojnë të futen në fushën e blertë vetëm për fitore, pasi humbja në këtë ndeshje për çdo ekip do ti thoshte “bye bye” kapjes së Europës nga kampionati. Një humbje e Skënderbeut do të bënte që më pas korçarët të përqendroheshin vetëm në Kupë, ndërsa për Flamurtarin i cili është i eliminuar nga kompeticioni i Kupës, humbja në këtë ndeshje do të ishte një tjetër vit i dështuar.
Kjo është ndeshja e tretë në këtë sezon për të dy ekipet. Dy përballjet e para janë fituar nga korçarët. /Boldnews.al/
