Aktori Neritan Liçaj i është bashkuar sot protestës së opositës duke sfiduar hapur kreun e qeverisë Edi Rama. Liçaj thekson se merr pjesë në protestë për të treguar se është ai qytetari, forca, kurajo dhe guximi.
“Do jem aty, përballë teje çitjane, siç kam qenë gjatë gjithë këtij viti të gjatë, o njeri mediokër dhe banal, për të të pështyre në fytyrë ty dhe larove të tu, se unë jam qytetari, forca, kurajo, guximi dhe të thyej në mes dhe që s’ke parë asgjë akoma, o mi i frikur që s’ke takat të shohësh në sy askënd si hajn i rëndomt që je. Plehu do hidhet në plehra ajo dihet”, shkruan Liçaj.
Kujtojmë që aktori Liçaj ka qenë një ndër të parët që i është bashkuar protestës kundër ndërtimit të teatrit të ri, duke qenë për një vit rresht në protest kundër vendimit të Bashkisë së Tiranës.
