Deputetit të Parlamentit slloven, Darij Krajçiç , i është dashur të japë dorëheqjen nga posti i tij në saj të një eksperimenti social që donte të ndërmerte. Ai vendosi të ‘vidhte’ një sanduic nga një market dhe të largohej pa paguar për të testuar sigurinë në vend.
Por, askush nuk kishte ardhur për ta ndjekur nga pas e për ti kërkuar llogari për sanduicin e vjedhur. Ai e rrefëu këtë histori në një mbledhje rutinë por që më pas mori përmasa të jashtëzkonshme.
Sipas deputetit 54-vjeçar, askush nuk e kishte ndalur, edhe pse kishte dalë nga dyqani në prani të shitësve me sandviçin në dorë.
Krajçiç ka kërkuar falje, duke thënë se ai i vjen keq për ngjarjen dhe “eksperimentin”
“Ai ka pranuar ngjarjen në një mbledhje komisioni të mërkurën, duke shkaktuar një mori talljesh mes kolegëve të parlamentit”, raporton BBC.
Por një ditë më pas, situata u bë serioze dhe kryetari i grupit parlamentar të partisë së tij LMS, Brane Goluboviç, dënoi veprimin e deputetit Krajçiç si “të papranueshëm”.
“Ai mori përgjegjësinë për ngjarjen dhe dha dorëheqjen në përputhje me standardet e larta etike të LMS”, tha Goluboviç për mediat.
