E mbani mend Tomas Grejvsen? Reali i Madridit pagoi 3 milionë paund tek Evertoni në vitin 2005, kur madrilenët kishin një skuadër “galaktikësh”. Teksa karriera në fushë ishte e thjeshtë, veç nënshkrimit tek Reali, por ajo jashtë saj, ishte e çmendur.
Në një biografi të publikuar së fundmi, vijnë edhe 5 nga bëmat më të krisuara prej tij.
I THEU DHËMBIN RONALDOS – Grejvsen ishte një mesfushor agresiv që ndërhynte shumë, madje edhe në stërvitje. Por, ai njihej edhe për karakterin e tij të dashur, sa që i merrte duke i mbajtur shokët. Me Ronaldo fenomenin, shkoi deri aty ku e hodhi, dhe i theu dhëmbin.
TAKIM ME NJË PORNOSTARE – Kur kaloi në Madrid, jeta e tij ndryshoi tërësisht. Në Spanjë dhe në Danimarkë, ishte një yll. Grejvsen nuk ishte mësuar me vëmendjen, dhe kjo i lejoi që të dilte me një porno stare, Kira Eger.
FISHEKZJARRE RUNIT – Kur të dy luanin tek Evertoni, është trajneri i tyre, Dejvid Mojes, që tregon një histori interesante: “Ishim në palestrën e vjetër, rreth 70 metra. Tomas dhe Uejni, po qëllonin fishekzjarrë te njëri-tjetri. Kishin raketa të mëdha plot me barut, dhe po ia drejtonin tjetrit.”
SHITËS MAKINASH – Kur ishte në Danimarkë te Velje, Grejvsen nuk ishte mjaftueshëm i lumtur vetëm duke qenë një i ri i talentuar në fushë. Kështu, vendosi të punonte edhe si shitës makinash për të qenë i motivuar. “Duhet të kem një alarm në mëngjes, përndryshe nuk çohem nga krevati. Më parë, kam pasur periudha që nuk shkoja në punë për 3-4 muaj. Flija vetëm në mëngjes, dhe natën nuk vija dot gjumë në sy. Kisha ndryshuar komplet rutinën dhe paraqitja ime sa vinte e po bëhej më keq” – shprehet Grejvesen.
BIXHOZ NË LAS VEGAS – Grejvsen u zhduk kur u tërhoq nga futbolli në 2009. Katër vite më vonë, u mor vesh se po jetonte në Las Vegas, në një komunitet të pasurish. Gazetat thonin se pasuria e tij shkonte rreth 100 milionë paund, edhe pse nuk dihej se si. Ndoshta mund t’i kishte fituar nga pokeri, duke marrë parasysh se njëherë humbi 54 milionë dollarë vetëm gjatë një loje.
