Pervan dhe Sibo, dy nga blerjet e fundit të Skënderbeut, dhanë sinjale pozitive në fitoren me Laçin, ndërsa portieri Dajsinani dhe Pëllumbi ishin risitë e trajnerit Orges Shehi. Korçarët po përgatiten për transfertën e Vlorës dhe me siguri stafi teknik do të besojë sërish te këta lojtarë.
Ndryshimi i vetëm mund të jetë rikthimi i kapitenit Marko Radas në qendër të mbrojtjes, që do të thotë se Pëllumbi do të ulet në stol. Dajsinani duket se ka kaluar me sukses provën dhe edhe në Vlorë pritet të jetë ai titullari i portës së Skënderbeut.
Po ashtu, edhe Pervan e Sibo do të jenë titullarë, bashkë me Taipin, i cili gjithashtu luajti mirë në ndeshjen e fundit. Trajneri Shehi mund të lërë sërish Gjergji Muzakën në treshen e sulmit, bashkë me Pervan dhe Krasniqin. Dita, Sibo dhe Taipi pritet të luajnë sërish në mesfushë, pasi duket se po merren vesh mirë me njëri-tjetrin.
Një sfidë e pazakontë kjo e kësaj jave mes Flamurtarit dhe Skënderbeut, pasi të dyja skuadrat po kalojnë situata të vazhdira, larg objektivave të sezonit.
