Mediat lokale në qytetin e luleve dhe këngës, Sanremo në Itali kanë përcjellë bujshëm lajmin e hidhur për ndarjen nga jeta të një shqiptari 37 vjecar.
Altin Vladi, që njihej ndryshe si Aldo, humbi jetën si pasojë e leucemisë. Ai ishte një murator i përkushtuar, baba i dy fëmijëve dhe punonte në një kompani të famshme në qytet.
Ndarja nga jeta shokoi të gjithë komunitetin në të cilin ai jetonte. Mediat italiane nuk kursyen mesazhet ngushëlluese dhe lëvdata ndërkohë që miqtë dhe bashkëpuntorët e tij i kanë dedikuar një mesazh të ndjerë teksa trupi i tij do të niset për në atdhe.
“Mirë u pafshim Altin! Pas disa ditësh që u ndave shpirtërisht nga ne, tani po na lë edhe fizikisht për tu kthyer në atdheun tënd. Jemi pa fjalë. Do të na mungosh shumë. Fjalët janë shumë të pakta krahasuar me dhimbjen që ke lënë pas. U prehsh në paqe! Qyteti humbi një puntor të përkushtuar, shoqëria humbi një mik të mirë,’ shkruhej në mesazhin ngushëllues.
