Oto Xhon beson se Skënderbeu e ka lënë pas periudhën e keqe dhe në Vlorë do të shkojë për fitore, ndonëse e di shumë mirë se ndaj Flamurtarit nuk do të jetë një sfidë e lehtë. Por pavarësisht kësaj , ai është besimplotë, duke qenë se dhe në sfidën e parë Skënderbeu ka dalë triumfues.
“Flamurtari është një ekip që meriton respekt si kundërshtar radhe, por Skënderbeu ka kualitete dhe ekip mjaft të mirë dhe ka shanse që të fitojë në çdo fushë. Në Vlorë kemi fituar këtë sezon, kështu që nuk është çudi që sërish të marrim 3 pikët atje nëse luajmë si me Laçin javën e shkuar. Jemi në rrugë të mbarë, qetësia që ka ardhur pas fitores së fundit, sigurisht që na shërben për të pasur një të ardhme edhe më të mirë, duke filluar që nga ndeshja e radhës me Flamurtarin”, tha sulmuesi afrikan i korçarëve për “Supersport”.
