Një 52-vjeçar ka mbetur i plagosur me armë zjarri mbrëmjen e sotme në Patos. Edmond Fejzullau ka mbërritur në spitalin e Fierit me dy plagë të shkaktuara nga armë zjarri. Ai është goditur në pjesën e kraharorit, ndërsa raportohet se ka mbërritur në spital me makinën e tij rreth orës 21:15 minuta. Fejzullau ndodhet në gjendje kritike për jetën, ndërsa i është nënshtruar një operacioni.
Mësohet se Fejzullau është qëlluar në automjetin e tij. Nga kqyrja paraprake, 6 shenja plumbash janë vërejtur në xhamin e automjetit tip “Benz”.
Policia ka nisur hetimet për të zbardhur ngjarjen. “Sot rreth orës 21:30, shtetasi E.F, 52 vjeç, banues në Patos, në rrethana ende të paqarta, dyshohet se është plagosur me armë zjarri dhe ndodhet në Spitalin Rajonal Fier nën kujdesin e mjekëve. Policia po punon për sqarimin e rrethanave të kësaj ngjarje”, njoftoi Policia.
