Policia identifikon dhe arreston autorin e dyshuar të aksidentit me pasojë vdekjen e 27-vjeçarit me iniciale Çaush Baballani, të ndodhur më 12 shkurt, në qendër të qytetit të Kavajës.
Aurel Xhani 46 vjeç, banues në Kavajë, u vu në pranga nga shërbimet e Policisë Kavajë.
“Ky shtetas dyshohet se më datë 12 shkurt 2019, në qendër të qytetit të Kavajës ka aksidentuar me pasojë vdekjen biçiklistin 27-vjeçar dhe pas aksidentit është larguar nga vendi i ngjarjes. Materialet i kaluan për veprime të mëtejshme Prokurorisë së Rrethit Gjyqësor Kavajë në ngarkim të shtetasit të lartpërmendur për veprat penale ‘Shkelje e rregullave të qarkullimit rrugor’ dhe ‘Largim nga vendi i aksidentit’, parashikuar nga nenet 290/3 dhe 273 të Kodit Penal”, njoftoi Policia.
Pas aksidentit, policia konstatoi se makinës që përplasi të riun i është ndërruar feneri i dëmtuar gjatë aksidentit. /BN/
