Politikani i njohur italian Umberto Bossi është në gjendje të rëndë shëndetësore, raportojnë mediat italiane.
Sipas mediave lokale, Bossi është transportuar me helikopter në spitalin e Varese-s, nga banesa e tij në Gemonio.
Raportimet e para tregojnë se ai është prekur nga ishemia dhe po trajtohet në repartin e terapisë intensive të spitalit.
Për publikun shqiptar, emri i Umberto Bossi-t është bërë i njohur në vitin 2012. Asokohe, mediat italiane, duke iu referuar hetimeve të autoriteteve ligjzbatuese vendase, raportuan se djali i tij Renzo Bossi, kishte marrë një diplomë te Universiteti “Kristal” në Shqipëri, duke paguar nën dorë. /Boldnews.al/
