Një 21-vjeçare në fshatin Stajka të Shkodrës është gjetur e pajetë mesditën e sotme. Dyshimet janë se e reja i ka dhënë fund jetës.
Burime bëjnë me dije se ngjarja ka ndodhur në vendin e quajtur “Ura e Spatharit”, ku 21-vjeçarja, identiteti i të cilës nuk bëhet i ditur, pasi ka pirë disa medikamente është hedhur nga ura, e për pasojë ajo ka humbur jetën.
Mësohet se e ndjera ishte e divorcuar prej pak kohësh, ndërsa nuk dihen shkaqet që e kanë shtyrë drejt këtij akti të rëndë.
Policia ka shkuar në vendin e ngjarjes dhe po punon për zbardhjen e plotë të saj.
