Eni Imami thotë se te Tirana e gjithë bota rrotullohet rreth derbit. Në një intervistë në “Vizion Plus”, mbrojtësi rrëfen situatën te bardheblutë pas rezultateve të mira në kampionat dhe Kupë.
“Jam befasuar shumë nga ajo që kam parë dhe ndiere në ekipin e Tiranës që në momentin që kam shkuar aty. Pavarësisht se nuk është ndeshja e radhës, për derbin mendohet shumë javë përpara. Është vërtet një ndjesi e veçantë. Mezi e pres edhe unë si lojtar për t’i përjetuar këto emocione. Çështja e titullit mbetet tërësisht e hapur, pasi diferenca 8 pikë mes Partizanit dhe Kukësit është e rikuperueshme. Partizani nuk është Skënderbeu i vitit të kaluar, një ekip të cilit nuk mund t’i dilej përpara”, shpjegoi futbollisti në “Vizion Plus”.
