Përditësuar/ Pjetër Roku, i cili mbeti i plagosur në aksident, është tranportuar në spital. Burime nga spitali i Shkodrës thanë se ai ndodhet jashtë rrezikut për jetën.
“Rreth orës 16:00 ka ndodhur një aksident në fshatin Beltojë, Shkodër, mjeti tip Fiat është perplasur me mjetin tip Toyota, nga i cili ka mbetur i demtuar drejtuesi i mjetit tip Fiat, shtetasi P. Rr. 58 vjeç, banues në Beltojë, Shkodër dhe ndodhet në Spitalin Rajonal Shkodër jashtë rreziku për jetën. Grupi hetimor ndodhet në vendngjarje dhe po kryen veprimet për sqarimin e rrethanave të aksidentit”, njoftoi Policia e Shkodrës.
***
Një aksident i rëndë ka ndodhur në Shkodër këtë të enjte. Mësohet se dy automjete janë përplasur në fshatin Beltonjë, në aksin rrugor Shkodër-Bushat. Nga incidenti ka mbetur i plagosur rëndë Pjetër Roku, punonjës i spitalit Rajonal të Shkodrës.
Ai ishte duke lëvizur me makinë që është përplasur me një tjetër automjet.
Policia dhe ekipet e emergjencës kanë shkuar në vendngjarje. /Boldnews.al/
