Janë identifikuar tashmë 14 viktimat e tragjedisë së mbrëmshme të autobusit që u aksidentua në autostradën Shkup-Tetovë, në afërsi të fshatit Laskarcë.
Në listën e emrave të viktimave vihet re edhe mosha e re e shumicës prej tyre e cila rezulton nën 30-vjeç.
Mediat maqedonase kanë bërë publike këtë listë ndërkohë që bëjnë me dije se bëhet fjalë për administratorë dhe student nga Gostivari dhe rrethinat.
Nga hetimet paraprake që janë bërë për shkaqet e ngjarjes rezulton se drejtuesi I mjetit nuk ka qenë nën efektin e lëndëve alkoolike.
Rametulla Abdurraimi, djalë i vetëm i familjes Abdurraimi
Valdete Hamiti, (1989), nga Debreshti i Gostivarit, nënë e dy fëmijëve të mitur
Jovica Tërpevski, djali i deputetit Bllagojçe Tërpevski nga Gostivari
Besim Kamberi nga fshati Senakos i Gostivarit
Onur Sadiku, 19-vjeçar nga Gostivari
Esat Emruli nga Gostivari
Ajdin Ismaili, 19 vjeç nga Gostivari
Besim Fetai nga Vrapçishta
Bejza Uzeiri nga Banjica e Poshtme
Zoran Davidovski (1981), punonjës në Qytetin e Shkupit
Tërpana Janevska, pensioniste nga Gostivari
Boban Avramovski, student i FON-it
Dejan Ristevski, i punësuar në Bankën Popullore të Maqedonisë
Pavle Kostoski, nga Gostivari, i sapo diplomuar në Fakultetin Juridik në Shkup.
