Seanca plenare e Parlamentit ka nisur sot me një minutë heshtje për tragjedinë e ndodhur në Shkup të Maqedonisë së Veriut, ku përmbysja e një autobusi shkaktoi vdekjen e 14 personave dhe plagosjen e dhjetërave të tjerë.
Kryeparlamentari Gramoz Ruçi shprehu ngushëllimet dhe deklaroi se Shqipëria ndodhet sot në krah të fqinjit të saj.
Fjala e Ramës
I nderuar Kuvend i Shqipërisë. Zija e sotme në vendin fqinj e rëndon ende më shumë peshën e faktit se fati ynë është i përbashkët. Një fat i përbashkët , i cili në këtë seancë mishërohet në mnëyrën më kuptim plotë. Numri tronditës i viktimave dhe të plagosurve na e bën sot edhe emocioanlisht shumë më të prekshme afërsinë e lidhjes sonë me Republikën e Maqedonisë së Veriut, gjen mishërim në aktin e votimit të sotëm unanim të kuvendit të Shqpërisë.
Ne jemi pranë shpirtërisht dhe do bëjmë patjetër pjesën që na takon. Pa shqiptarët s’do të kishte Maqedoni të Veriut dhe bashkëjetesa e vërtetë mes dy popujve tanë janë jo vetëm tëpacënushme por edhe jetike për të ardhmen tonë,’ u shpreh Rama.
