Përditësuar/ Policia e Korçës ka dhënë detaje lidhur medrogën e kapur në Kapshticë.
“Policia Kufitare në bashkëpunim me Autoritetet Doganore, mbi bazën e informacioneve të siguruara në rrugë operative, godasin një tentativë të trafikut ndërkombëtar të lëndëve narkotike. Gjatë kontrollit të detajuar në vijë të dytë duke përdorur qen antidrogë dhe më pas edhe gjatë skanimit, Policia Kufitare dhe Dogana kanë konstatuar në dy kamione lëndë narkotike. Po vijon kontrolli i imtësishëm i dy mjeteve. Për arsye hetimore, nuk bëjmë me dije të dhëna të tjera”, thuhet në njoftimin e Policisë.
***
Kapet sasi e madhe droge, kush janë të arrestuarit…
Një sasi e konsiderueshme kanabisi është kapur në Kapshticë mbrëmjen e sotme.
Burime bëjnë me dije se dy persona janë ndaluar.
Droga u gjet e fshehur në dy kamionë që ishin ngarkuar me krunde. Automjetet ishin nisur drejt Greqisë. Dy shoferët, Zija Hidri dhe Ardian Sako, janë vënë në pranga.
Sasia e saktë e drogës pritet të përcaktohet pas peshimit, megjithatë burime flasin për një sasi të konsiderueshme. /Boldnews.al/
