Mauro Icardi nuk është ftuar në skuadrën e Interit për ndeshjen e Evropa Ligës kundër Rapid Viennës, e cila do të zhvillohet të enjten. Pak orë më parë, sulmuesit argjentinas iu mor edhe shiriti i kapitenit.
Nuk ka ku të shkojë më keq për Mauro Icardin, pasi ai nuk është ftuar në skuadrën e Luciano Spallettit për ndeshjen e parë të 1/16 së finales në Evropa Ligë kundër Rapid Viennës, vetëm disa orë pasi klubi vendosi t’ia marrë shiritin e kapitenit, transmeton Gazeta Express.
Lajmet e këqija për 25-vjeçarin vijnë midis spekulimeve për të ardhmen tij dhe pas dështimit të tij për të shënuar gol në shtatë ndeshjet e fundit.
Përveç Icardit, në skuadrën mungojnë edhe Milan Skriniar dhe Marcelo Brozovic, por dyshja është e pezulluar për këtë ndeshje.
Kjo është skuadra e plotë e Interit për ndeshjen ndaj Rapid Vienna:
Handanovic, Padelli, Berni; De Vrij, Ranocchia, Asamoah, Cedric, Miranda, D’Ambrosio; Nolan, Vecino, Nainggolan, Valero, Perisic, Schiro, Roric, Lautaro, Politano, Candreva
