Interi paraditen e sotme ka vendosur që t’i heqë Icardit nga krahu shiritin e kapitenit dhe t’ia japë Handanovicit.
Por, një vendim i tillë ka trazuar “ujërat” në kampin e zikaltërve dhe jo vetëm.
Gjithashtu Icardi për ndeshjen e nesërme që do të luhet në Vjenë kundër Rapidit për Europa Ligë nuk është grumbulluar.
Jo vetëm tifozët e Interit kanë reaguar për këto që kanë ndodhur sot, por edhe motra e Icardit, e cila ka prej kohësh ka një marrëdhënie shumë të agravuar me partneren e vëllait të saj Wanda Narën.
Në “Twitter”, Ivana Icardi ka shkruar: “Kronikë e një vdekje të parashkruar. Vëllai im i gjorë, pse i lejon këto gjëra… Këtu ekstravaganca nuk lejohet. Nëse do të kishe një person serioz që të të kujdeste nuk do të ndodhnin këto”.
