Një grevë e kontrollorëve të trafikut ajror ka nxjerrë jashtë funksionit fluturimet nga dhe drejt Belgjikës.
Fluturimet janë anulluar për 24 orë, duke nisur prej orës 22:00 të datës 12 shkurt, ndërsa greva pritet të mbyllet mbrëmjen e sotme.
Arsyet e grevës kanë të bëjnë me rritjen e pagave të kontrollorëve të trafikut ajror, ndërsa sindikata ka parashtruar kërkesat për rritje të pagave, përfitimeve dhe pensioneve .
Kontrollorët e trafikut ajror përgjigjen për të gjitha fluturimet në lartësinë 7500 metra e poshtë, çka do të thotë se asnjë avion nuk mund të ulet në aeroportet belge pa përfundimin e grevës.
