Policia e Reggio Emilia ka gjetur kufomën e dekompozuar thuajse në gjendjen e një mumjeje pas gati një viti në shtëpinë e një shtetasi italian. Kufoma i përkiste nënës së shtetasit, 81 vjecarja e cila kishte vdekur verën e kaluar nga shkaqe natyrale por i biri nuk e kishte denoncuar për të vazhduar të marrë pensionin e saj.
Në apartament është gjetur edhe kufoma e 59- vjecarit, një i papunë, i cili kishte vrarë veten me pistoletë disa ditë më parë. Shtetasi italian Mauro Culzoni, 59 vjeç, banues në Reggio Emilia, prej muajsh jetonte me nënën e tij të vdekur në të njëjtën banesë.
Madje ai e kishte vendosur kufomën në shtrat dhe vdekjen nuk e kishte raportuar në polici që t’i merrte pensionin.
Gjatë kësaj kohe kishte kaluar në depresion dhe për pasojë i jep fund jetës së tij.
E moshuara mund të ketë vdekur rreth verës për shkaqe natyrale. Fqinjët kanë pyetur vazhdimisht djalin gjatë kësaj kohë për nënën e tij, pasi kishin kohë që se shihnin të moshuarën.
Ai tregonte që nëna po qëndronte tek një mikeshë e saj në Modenese. Policia së bashku me forcat zjarrfikëse ka ndërhyrë në banesë dhe kanë gjetur trupat pa jetë të nënës dhe djalit. Edhe burri kishte vdekur në shtrat në dhomën e tij, sipas dyshimeve të parë që prej të dielës. Pranë tij edhe qeni, i vrarë nga burri në të njëjtën mënyrë. Në dhomën tjetër ndodhej 81 vjeçarje e dekompozuar.
