Detaje të reja dalin në dritë nga dëshmia e gardistit që i mori jetën bashkëshortes së tij me armë zjarri, mëngjesin e ditës së djeshme.
Burime nga policia bëjnë me dije se nuk kanë qenë vetëm fqinjtë ata që kanë lajmëruar policinë pas ngjarjes së rëndë.
Alket Arapaj ka telefonuar në numrin 129 duke thënë se “Jam Alket Arapaj. Ejani se kam vrarë gruan. Shtëpinë e kam në Allias. Hajdeni se po trembet vajza”.
Pas kësja telefonate policia ka mbërritur menjëherë në vendngjarje ku ka arrestuar edhe autorin e vrasjes. Ndërkohë mësohet se në dëshmitë e dhëna në polici, gardisti ka dhënë deklarata të ndryshme lidhur me vrasjen e kryer prej tij.
Në fillim ai u shpreh se dyshonte se gruaja e tij e tradhëtonte ndërsa më vonë shprehu se nuk e di përse e ka vrarë. Të gjitha këto detaje kanë bërë që policia të ngrejë edhe dyshimet për një gjendje psikologjike jo të mirë të gardistit Arapaj.
