Gjatë takimit të sotëm të Ramës në Lezhë, që sipas PD-së ishte me punonjës së administratës shtetërore, u hodh propozimi për kandidimin e Pjeriun Ndreut për kryetar bashkie në zgjedhjet e ardhshme lokale.
Ishte këngëtari popullor Mark Gjoka, ai që shprehur dëshirën për të kandiduar për kryetar të bashkisë Lezhë Pjerin Ndreun.
Rama ra dakord me propozimin, por shtoi se nuk ishin aty për atë çështje. “Nuk kemi ardhur këtu për të zgjedhur kandidatët. Edhe unë me ty jam, por duhet ta lëmë procesin e përzgjedhjes së kandidatëve”.
Vetë ish-polici Pjerin Ndreu, aktualisht deputet i PS-së në Lezhë, nuk e ka fshehur ambicien për të qenë kryebashkiak i Lezhës.
“Nëse forca politike e imja më kandidon mua do ishte nder të përfaqësoj qytetarët e Lezhës, ashtu siç i përfaqësova me shumë korrektesë në kandidimin tim si deputet”, do të shprehej Ndreu në një emision televiziv disa muaj më parë. /Boldnews.al/
