Portieri që mbrojti portën e Anglisë në vitin 1966 duke u shpallur kampion Bote, ka ndërruar jetë në moshën 81 vjeçare.
Gordon Banks është një legjendë e vërtetë për ishullorët, i shpallur gjashtë herë portieri më i mirë nga FIFA dhe fitues i 73 kupave.
Portieri i lindur në Shefild, arriti kulmin e karrierës me Kupën e Botës të fituar në vitin 1966, por shkëlqeu edhe më shumë në kampionatin botëror të vitit 1970, kur vetëm braziliani Pele arriti të shkëlqente më shumë se gardiani anglez.
Gordon Banks ishte tërhequr nga futbolli në vitin 1973 dhe është i katërti lojtar i skuadrës së kampionëve që ndërron jetë, pas Bobby Moore, Ray Ëilson dhe Alan Ball.
Vdekja e Banks ka bërë që futbolli anglez dhe botëror të zhytet në zi.
Mesazhet e ngushëllimit dhe vlerësimit kanë vërshuar nga figurat më të njohura të sportit botëror.
