Gjatë takimit në Elbasan, kryetari i PD-së Lulzim Basha, bashkëbisedoi me një qytetar, i cili i tregoi për gjendjen e tij të vështirë ekonomike.
Qytetari, me lot në sy, i tha kreut të PD-së se ka një vit pa drita dhe askush nga institucionet shtetërore nuk e ka ndihmuar.
Bashkëbisedimi
Qytetari: Kam një vit pa drita. Këta të komunës, këta fytyrat e poshtra. S’kam lënë derë pa trokitur. Kur edhi puna më thonë ‘paguaji ti’. Në shërbim të një plaku, s’kishte fëmijë e i shërbeja unë familjarisht. Erdhi puna më nxorën mua me shqelma në ministri. Iu kërkova unë, po nuk iu takova dot. Këta janë të poshtër!
Basha: Ja ku erdha unë të takohemi këtu, mbahu fort. E di që je shumë i mërzit, kështu janë gjithë njerëzit këtu, edhe siç janë ato duart e hekurpunuesve të metalurgjikut nga puna e rëndë, kështu janë kështu është bërë dhe shpirti i elbasanllinjve është forcu nga hallet, është bërë i fortë. Por ne ditën e shtunë do bëhemi të gjithë bashkë, do ia shtrimë dorën njeri-tjetrit, do ta shtrimë dorën ty, nuk do të lëmë vetëm. Nuk do të braktisim, nuk do të harrojmë, nuk do të tradhtojmë siç tradhtoi Edi Rama popullin.
Më tej, Basha zhvilloi një bashkëbisedim me një tregtar, i cili u shpreh se ka rënë fuqia blerëse.
Tregtar: Jemi shumë dobët. Kam shitur apo s’kam shitur 2-3 bluza sot. Që në 8 vijmë dhe ikim në shtatë të darkës, burrë e grua të dy. Kam 7 vjet që e kam hapur, erdha nga Greqia. Ka rënë fuqia blerëse. 100m poshtë i kanë mbyllur dy dyqane.
Basha: 1500 biznese janë mbyllur në 2018 në bashkinë e Elbasanit. Është katastrofë, kështu nuk mund të vazhdohet më. Ka arritur aty ku nuk mban më. Duhet ta ndryshojmë. Ju e keni në dorë. Kjo është domethënia e 16 shkurt. Të nderojmë punëtorin jo vjedhjen. Bashkimi i shqiptarëve për të marrë në dorë fatet tuaja. Do të sjellim normalitet me uljen e taksave, uljen e çmimit të energjisë, ndalimi nga abuzimi me tatimorët me pullën në vitrinë, uljen e çmimit të karburantit. Edhe një rrugë qe e gjetën gati, tunelin, nuk e mbaruan. Lekë vodhën, 80 milionë lek dhe s’kanë vazhduar investimin. Ju ftoj të gjithë me 16 shkurt në Tiranë! /Boldnews.al/
