Kryeministri i Kosovës Ramush Haradinaj, është shprehur se nga Rusia, janë dhënë shumë para në Shqipëri për të mbështetur idenë e ndarjes së Kosovës. Mes përfituesve, u shpreh Haradinaj gjatë një interviste dhënë në “Ora News”, janë pushtetarë, analistë dhe njerëz të medias.
“Në Shqipëri është lobu me pare për projektin e ndarjes. Kanë hy pare shumë. Unë e mendoj ato paret që folëm më herët të rusëve. Të Sputnik-ut të mediave ruse, të lobingjeve, kanë mbërri deri te ju dhe unë kam deklaru që kanë shtirë pare të madhe për me e nda Kosovën”, tha Haradinaj.
Duke lobuar te zyrtarët shqiptarët?
“Po qysh jo, te mediat te opinioni, te pushtetrët, te analistët, te televizione”, u përgjigj Haradinaj.
Kryeministri i Kosovës shtoi se ndarja e kufijve është axhendë e Presidentit rus Vladimir Putin. Kush do që lëviz me kufij është axhendë të Putinit, u shpreh ai.
Kreu i qeverisë së Kosovës i mëshoi idesë se “nuk ndërrohet territori dhe kufijtë”.
“Vendi është njëherë i vendosur dhe nuk parashihet biseda kështu. Unë nuk jam tregtar dhe nuk përfaqësoj ndonjë mall për treg, sa metra këtej dhe as metra andej. Nuk ka kryetar qeverie që diskuton tokën e vet për shkëmbim. Është absurdi më i madh”, tha Haradinaj.
https://streamable.com/hx4xw
/Boldnews.al/
