Nga takimi me banorët e Pogradecit, kreu i demokratëve Lulzim Basha, është ndalur të flasë edhe për një cështje delikate lidhur me pronat dhe ligjin e shpronësimit në ved.
Ai iu rikujtojë qytetarëve se Partia Demokratike është e vetmja e cila shprehet jo vetëm në mbrojtje të tyre por edhe në mbrojtje të pronës private duke iu premtuar se do të anulojnë Ligjin aktual të Pronës.
Fjala e Bashës
“Ne kemi çuar në Strasburg kundërshtimin për ligjin e pronave. Nuk duhet kërkuar nga opozita atë që ka në dorë qeveria. Të garantoj e kam thënë dhe po e përsëris, Ligji që ata kanë bërë për të hequr kompensimin me vlerë tregu, është rishpronësim. Atë që e bëri Enver Hoxha para 60 vjetësh, e bën edhe ky Ligj.
Në do ta rrëzojmë këtë Ligj dhe ne do t’ju dëmshpërblejmë me vlerë tregu.
Ky është qëndrimi ynë. Ne e kemi shpallur.
Shpesh herë mesazhet e opozitës bien pre e propagandës së qeverisë.
Kemi pesë vjet që e themi se ky Ligj do të anulohet dheju do të dëmshpërbleheni me vlerë tregu.
Këtë Ligj e kemi çuar në Strasburg për ta luftuar dhe do të vazhdojmë të luftojmë. Ditën kur të nabesoni me votë, do ta anulojmë këtë Ligj.
Ne jemi parti e pronës. Ju keni në dorë votën ne kemi në dorë ofertat politike.
Më 16 shkurt eja edhe ti me pogradecarët e tjerë t’i bashkohesh protestës në Tiranë.”
