Minatorët paralajmërojnë nisjen e një greve urie më 22 shkurt. Kjo është bërë e ditur gjatë protestës që minatorët po zhvillojnë para godinës së Kryeministrisë, ku kërkojnë miratimin e statusit të tyre.
Protestuesit kanë bërë të ditur se qeveria i ka mashtruar, edhe pse kishte premtuar miratimin e statusit dhe rritjen e pensioneve.
“Pensionet na janë përgjysmuar, sepse janë rritur çmimet. Kryeministër shteti nuk drejtohet nga rrjetet sociale, na prit në zyrë”, ishin disa nga thirrjet që iu drejtuan Ramës, nga minatorët dhe sindikata, të pranishëm në protest.
‘Zoti Kryeministër, pse keni frikë? Pse nuk i ngrini pensionet e minatorëve? Ne e dimë ku është thembra e Akilit! Na përdorni si letër higjenike,’ shprehet një prej protestuesve.
Minatorët bënë të ditur se kanë dy vite që presin miratimin e statusit, ndërkohë që janë kthyer në shtresën më të varfër të shoqërisë. /Boldnews.al/
