Komisioni i Edukimit dhe Medias ka vijuar me debatet lidhur me ligjin e arsimit të Lartë. Në mbledhjen e sotme, u zhvillua një seancë dëgjimore me asamblenë e pedagogëve të Universitetit të Tiranës.
Në fjalën e tij, pedagogu i Fakultetit Ekonomik, Rezart Prifti tha se nuk ka përse të njollosen të gjithë pedagogët se 40 prej tyre shesin libra. Sipas tij në këtë rast duket të ndërhyrjë Prokuroria dhe pedagogët duhet të shkojnë në burg.
“Ai që tregton libra për notën merreni futeni në burg. Pse duhet të njollosem unë? Është çështje mëndësie. Më ka ardhur një gjyshe dhe më ka lënë 200 euro mbi tavolinë. I kam thënë “None nuk bëhet kështu”. Për të bërë libra nuk ka nevojë për Komision të Përgjithshëm. Njësoj si në kohën e qoftëlargut. Ku e njeh ti lëndën time që të vendosësh për mua? Mua më prekin këto gjëra. Ne po diskutojmë për gjëra të paprekshme. Ligjin e bëjmë si të doni por është çështje mëndësie. Janë gjëra shumë të thjeshta për t’u rregulluar nuk ka nevojë për shkencë,” tha Prifti.
https://dosja.al/pedagogu-i-thote-te-gjitha-me-la-njera-200-euro-mbi-tavoline-i-thashe-none-sbehet-keshtu-vd/
