Simpatizimi për figurat politike vitet e fundit është kthyer në një ‘virozë’ që nuk prek më vetëm punonjësit e administratës, por edhe qytetarët e thjeshtë të cilët jo rrallë herë janë filmuar ose fotografuar duke shprehur eufori ndaj figurave politike.
Rasti i fundit është ish-ministri Saimir Tahiri, i cili është paraqitur ditën e sotme pranë Gjykatës së Krimeve të Rënda. Por, ndryshe nga herët e tjera nuk shoqërohej nga avokati por nga fansat e tij të zjarrta.
Gra të cilat me shumë gjasa janë militante të PS-së, janë shfaqur me bluza të stampuara me foton e Tahirit dhe mbishkrimin gjigandi.
Sigurisht që ‘gjigandi’ i Partisë Socialiste qoftë edhe në kuptimin e parë të fjalës është Edi Rama, por kjo nuk e pengon grupin e fansave të hiperbolizojnë pushtetin e Tahirit. /Boldnews.al/
