Kryeministrja serbe Ana Brnabiç bëri për herë të parë publike lidhjen e saj me partneren, Milica Djurdjiç në vitin 2017. Që në atë kohë, ato të dyja treguan se kishin në plan të zgjeronin familjen.
Milicia Djurdjic është mjeke në një prej spitaleve më të njohura në Serbi. Ajo mësohet se ka përfunduar studimet në mjekësi në Beograd, ndërsa që në fillim të romancës me kryeministren serbe nuk e kanë fshehur asnjëherë lidhjen për të afërmit dhe miqtë.
Ndërkohë lidhja e tyre nisi para 9-vitesh dhe vetëm para pak ditësh u njoftua se janë në pritje të fëmijës së tyre të parë. Mediat serbe shkruajnë se partnerja e kryeministres është shtatzënë nëpërmjet një fekondimi artificial.
Ndërkohë në daljet e tyre publike, vihet re se Milica është gjithmonë e kuruar në çdo detaj. Ajo nuk ka dështuar asnjëherë me stilin e saj, duke u shfaqur jo vetëm brenda kornizave të partneres së kryeministres, por edhe sipas trendeve të fundit të modës.
Falë paraqitjes së saj, ajo arriti të kthehej si një imazh pozitiv politik për partneren e saj.
