Kim Kardashian jeton një jetë luksi dhe ka arritur të grumbullojë në këtë kohë krizash shifra marramendëse, por edhe ajo e ka përjetuar në jetë momentin e marrjes së rrogës së parë dhe sesi e ka shpenzuar.
Ndoshta shumë prej jush e kanë harruar, por ajo që bleu Kim Kardashian nuk mund të harrohej asnjëherë pasi ishte një varëse e gjitha diamanti.
38-vjeçarja poston një foto të para 12 vitesh, ku theksin e vë te varësja. Kim tregon se ky aksesor me shumë vlerë për të, ishte një nga gjërat që iu vodh gjatë grabitjes në Paris.
“Rikthim në 2007-n. Kjo varëse që kam është një kryq diamanti nga Jacob dhe ishte bizhuteria e parë që bleva kur mora çekun e parë. Kur u grabita kjo mu mor. Megjithatë kur po largoheshin grabitësit hodhën një pjesë të bizhuterisë në rrugë. Ishte shumë sentimentale për mua. Thjesht doja ta ndaja”, shkruan Kim në postimin e saj në Instagram.
