Policia e Tiranës njoftoi mëngjesin e sotëm se roja i një firme është gjetur i vetëvarur rreth orës 08:10 të mëngjesit.
Viktima është identifikuar si Agim Hito, 56 vjeç, baba i 3 fëmijëve. Ai punonte si roje në një punishte druri në Vorë, ndërsa ishte banor i kësaj bashkie, pak kilometra larg Tiranës.
Ndërkohë ajo që raportohet është tronditëse, pasi viktima ka qëndruar i varur për rreth 6 orë, ndërsa askush nuk afrohej për të prekur trupin e 56-vjeçarit.
Panorama rrëqethëse është parë nga banorë të zonës, ndërsa trupi i pajetë është hequr vetëm pas mbërritjes së policisë.
Ende nuk dihen shkaqet që çuan në një vendim ekstrem 56-vjeçarin, sikundër nga policia ka nisur hetimi për zbardhjen e ngjarjes së rëndë.
