Dy ditë pas vrasjes së 30-vjeçarit Petrit Biba në Pukë policia ka arrestuar autorin e dyshuar të këtij krimi. Sipas burimeve zyrtare të policisë së kryeqytetit, u ndalua autori i dyshuar i vrasjes të ndodhur ne 8 shkurt 2019 ku mbeti i vrarë shtetasi Petrit Biba.
“Nga strukturat e Drejtorisë Vendore të Policisë Shkodër në bashkëpunim me forcat e Komisariatit të Policisë Pukë u bë ndalimi i shtetasit Enderis Doda, 25 vjeç, banues në Tiranë. Materialet iu referuan Prokurorisë Pranë Gjykatës së Shkallës Parë Pukë për veprime të mëtejshme”-thuhet në njoftimin e policisë.
Ngjarja ndodhi dy ditë më parë në afërsi të një HEC-i në ndërtim, ku Doda dhe Biba ishin roje. Nga të dhënat e deritanishme dyshohet se duke luajtur me një armë pa leje 25-vjeçar qëlloi mbi Bibën dhe pasi u dërgua në spital nuk mundi të mbijetonte plagëve. Autori i krimit u largua dhe është kapur sit në Tiranë.
