Kreu i Partisë Demokratike, Lulzim Basha deklaroi nga Vlora se “Kryeministrin e vendit caktohet nga krimi” dhe se ka nevojë për votën e njerëzve që të rikthejë shpresën e për të dalë nga kriza.
Kreu i opozitës bisedoi me qytetarë e biznesmenë të ndryshëm të qytetit bregdetar, ku theksoi se duhet strategji për punësim, e në këtë mënyrë të ndalet emigrimi i shumë banorëve si nga Vlora ashtu edhe nga Shqipëria.
“Të gjithë vlonjatët janë të papunë. Shumë prej tyte janë larguar nga vendi për shkak se nuk po arrijnë që të gjejnë punë. Të hapim rrugën për standardet evropiane, pasi sistemi aktual favorizon në grup njerëzish. Problem sepse të ardhurat jenët ë ulëta, kurse kostoja e jetesës mjaft e lartë. Ne duhet që të ndezim motorin e ekonomisë për punësimin. Kur të marrim drejtimin e vendit, do të ulim taksat dhe çmimin e energjisë”, u premtoi Basha qytetarëve.
Kontrolli i cilësisë së mbrojtjes së konsumatorit. Cilësia e ushqimeve që qytetarët konsumojnë. Është një nga problemet kryesore.
“Çmimi i energjisë dhe çmimi i ilaçeve mjaft i lartë. E vështirë për pensionistët që të mund të ushqehen e të mbajnë veten. Fondet nuk shkojnë për përmirësimin e pensioneve, për rimbursimin e ilaçeve, por futen ën xhepat e 4-5 njerëzve. 2 miliardë euro më shumë taksa, që futen në xhepat e 4-5 njerëzve.
Vlora duhet të ishte qendër dinamike, jo vetëm në vend por edhe në Mesdhe. Pro shikoj njerëz të fikur.
Kryeministri caktohet nga krimi, e punon për krimin. Duhen votat tuaja. Oligarkët kanë marrë miliarda euro, ndaj vendi është në këtë gjendje të mjeruar. Ata do t’i kthejnë. Pesë njerëz kanë marrë paratë tuaja, ndaj nuk ka para për njerëzit. Merreni fatin tuaj ën dorë, e unë ju premtoj ndryshimin. Kjo është qeveri krimi. Ka ardhur me grusht shteti, jo nga ushtria por nga kriminelët”, tha Basha.
