Në orën 10:00 do të mbahet një marshim nën moton “Nuk luhet ”përdhunimesh” kundër dhunës seksuale. Marshimi do të fillojë nga Ministria e Arsimit dhe do të vazhdojë drejt Drejtorisë së Policisë. Kjo është një nismë e iniciuar nga qytetarët shqiptarë, opinioni i të cilëve u trondit me ngjarjen e rëndë të 13-vjeçares nga Kavaja.
Ndërkohë para Ministisë së Arsimit kanë filluar të grumbullohen protestuesit e parë.
Në njoftimin e eventit theksohet qartë se ky marshim është i organizuar nga disa qytetarë me ndërgjegje dhe jo nga grupime apo parti politike.
“Marshojmë Heshtur, kundër dhunës seksuale,normalizimit të dhunës, duke e konsideruar lojë fëmijësh dhe kundër fajësimit të viktimës. Të gjithë bashkë kundër dhunës seksuale të Dielën në orën 10. Fillojmë marshimin nga Ministria e Arsimit (mblidhemi aty) dhe vazhdojmë drejt Drejtorisë së Policisë. A dhe që të jemi të qartë pas kësaj proteste qëndrojnë disa qytetarë me ndërgjegje, asnjë grupim apo parti politike. Ju presim”,-thuhet në thirrjen që i bëhet të gjithë qytetarëve.
