Eglantin Gjoni është një ndër lojtarët më kryesor tek Laçi, ku përveç se është një mbrojtës ai di edhe të shënojë gola, dhe ata që ka realizuar kanë qenë shumë të rëndësishëm, ku gjithmonë janë përkthyer në pikë për kurbinasit.
Në një intervistë për Boldnews.al ai ka folur në lidhje me ndeshje që Laçi do të ketë këtë javë kundër Skënderbeut.
Përshëndetje Egli, këtë fundjavë për Laçin është një ndeshje mjaft e rëndësishme në Korçë kundër kampionëve në fuqi, Skënderbeut.
Edhe pse ata kanë disa ndeshje radhazi që humbin, kjo përsëri nuk ua ul prestigjin që kanë dhe emrin që kanë vendosur në vitet e fundit në futbollin shqiptar.
Laçi dhe Skënderbeu janë dy klubet që kanë marrë më pak pikë në 5 takimet e fundit, Korçarët janë me 0 pikë ndërsa ju me 5 pikë.
A do ishit ë kënaqur me një barazim në fushën e ‘ujqërve’?
Është e vërtetë që kemi vetëm 5 pikë në 5 ndeshjet e fundit, por do luftojmë fort ti rikuperojmë sa më shpejt pikët e lëna rrugës. Futbolli i ka të 3 rezultatet brenda. Ne si çdo ndeshje hyjmë për ta fituar dhe të njëjtën gjë do bëjmë dhe në Korçë pastaj fusha do tregojë kush do jetë me i zoti. Objektivi i Laçit është si çdo vit pjesëmarrja në Europë.
Kush është objektivi i Laçit për këtë sezon?
Shpresojmë të bëjmë mirë si vitin e kaluar.
/Boldnews.al/A.P/
