Zjarri i rënë dje në afërsi të Bashkisë së Tiranës në disa biznese private i ka dhënë mundësinë kryebashkiakut për ta parë si “tokë të djegur” mbi të cilat mund të lulëzojnë kulla. Në zonën e rrethuar pranë Bashkisë ku ra zjarri një pjesë janë biznese privat dhe një pjesë tjetër janë zyra të institucionit.
Zjarret në këtë rast kanë një të “mirë” pasi shkrumbojnë gjithçka dhe më pas ka motiv të mjaftueshm për të nisur betonizimin e ri, edhe aty fare pranë bashkisë. Projekti për ndërtimin e një kulle fare pranë monumentit të kulturës, Sahatit të Tiranës, është jo vetëm në mendjen e kryeministrit dhe kreut të bashkisë Tiranë, por po vihet në zbatim.
Përtej çdo qiellgërvishtësi që lartësohet në kryeqytet, faktet kanë treguar se fshihet një oligark pranë qeverisë. Edhe në këtë rast nuk do bëhet përjashtim. Nuk është metodë e re ngritja e pallateve apo kullave mbi zonat e mbrojtura, apo në shtëpitë tradicionale të kryeqytetit.
Gjatë kohës kur kryeministri Edi Rama drejtonte bashkinë Tiranë, shumë banesa tradicionale të kryeqytetit u shembën me dashje, ose u lanë të rrënohën pa ndërhyrë në rikonstruksion, me qëllimin e vetëm që të ktheheshin në trojë për leje pallatesh dhe objekte të tjera. /Boldnews.al/
