Kampionati është kthyer në “makthin” e Skënderbeut. Kampionët në fuqi të Shqipërisë duhet të llogarisin për sfidën e javës së 21-ë ndaj Laçit mungesat e kapitenit Marko Radas dhe lojtarit më të italo-malazes Idriz Toskic. Veterani i ekipit bardhekuq nuk e ka kaluar ende gjendjen gripale, ndërsa mesfushori 23-vjeçar vuan dëmtimin e pësuar në ndeshjen e fundit në Kupën e Shqipërisë me Besëlidhjen kur la ndeshjen në mes pas një goditje të fortë që pësoi.
Duke llogaritur dhe mungesës e Bregut, i cili theu krahun në miqësoren e fazës përgatitore ndaj Tiranës dhe shitjen e Fidan Alitit te Kalmari, në ekipin korçar ka boshllëqe të mëdha për t’u mbuluar dhe tekniku Shehi duhet të gjejë zëvendësuesit e përshtatshëm për të marrë fitoren jetike ndaj Laçit të hënën në shtëpi.
Prej 6 ndeshjesh radhazi Skënderbeu nuk merr asnjë pikë duke regjistruar ecurinë më të keqe në gati një dekadë. Pas javës së 20-ë, kampionët e Shqipërisë e shohin veten të shkëputur nga Partizani me 13 pikë duke dalë thuajse jashtë luftës për titull, ndërsa tashmë duhet të luftojë për të siguruar zonën e Europa League, pasi në valle janë futur Teuta dhe Laçi, ndërsa Flamurtari renditet pas me vetëm një pikë diferencë.
Në Korçë, Skënderbeu do të ketë dhe mbështetjen e publikut, i cili do të jetë një armë shtesë ndaj Laçit.
