Në prangat e policisë kanë rënë mengjesin e sotëm një 40-vjeçar ndërsa dy të tjerë janë shpallur në kërkim si persona të dyshuar për disa vjedhje në zonën e Fierit dhe të Vlorës
I arrestuari është shtetasi A.M, ndërsa në kërkim janë shpallur A.H dhe E.V.
Të tre personat janë nga Vlora dhe të dënuar disa herë për vjedhje.
Policia thotë se këta shtetas, në bashkëpunim me njeri-tjetrin, në aksin rrugor Levan-Tepelenë, kanë vjedhur dyqanin në pronësi të shtetasit K.Ç.
Ata dyshihen edhe si autorë të disa vjedhjeve të tjera të ndodhura në zonën e Frakullit, Cakran Varibob, gjate tre muajve te fundit.
Policia po punon për dokumentimin e rasteve të tjera.
Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje e kryer në bashkëpunim”.
