Vetëm 600 të pranishëm për Skënderbeu-Besëlidhja. Tifozët që qëndronin në tribunën “A Gold” dhe “A” ishin ndër më aktivët.
– Goli i shënuar nga Vangjeli është parandier që në nisje të goditjes së korçarit. Sapo mbrojtësi harkoi topin, në tribunë u dëgjua një thirrje: “Hyri! Hyri!” Po i njëjti tifoz u mundua të parashikonte edhe një gol pas goditjes së Taipit, por nuk i rezultoi i saktë. “Epo s’do ta gjej gjithmonë, nuk jam Nostradamus”.
– Orges Shehi qëndroi gjatë gjithë kohës në këmbë, duke dhënë udhëzime për të tijtë dhe kryesisht për Pëllumbin dhe Samboun.
– Gjetja e golit nga ana e Leonit Abazit duket se i kënaqi të gjithë. Madje, vetë lojtari gëzoi aq shumë dhe dufin e shfryu duke shkelmuar topin në ajër.
