Tmerret në grabitjen e karburanteve nuk kanë fund. Këtë herë ngjarja e radhës është regjistruar në Novoselë të Vlorës, ku në orët e para të mëngjesit të sotëm dy persona të maskuar dhe pajisur me armë pistoletë kërcënuan punonjësin e karburantit duke i marrë xhiron ditore afro 35 mijë lekë.
Në dëshminë e tij në polici roja ka treguar se ka dëgjuar grabitësit që të thonë ‘nxirr pistoletën’, ndërsa më pas kanë thyer xhamin e kabinës ku qëndronte duke i marrë lekët.
Pas njoftimit, policia ka mbërritur në vendin e ngjarjes duke nisur hetimet, por deri tani nuk ka asnjë të arrestuar. Kjo nuk është hera e parë që këtë zonë grabiten pika karburantesh.
