Në momentin që kryebashkiaku i Tiranës rriti çimin e ujit për qytetarët, krahas “blerjes së këshilltarëve”, mbante në duar edhe një bidon uji, që si “kille i propagandës” tregoi se vetëm 20 lekë për mëtër kub do rritej çmimi, e përtej këtij çmimi simbolik, sipas tij do vinte investimi i madh për ta furnizuar Tiranën 24 orë me ujë të rrjedhshëm.
“Nuk do ketë më depozita mbi pallate, furnizimi me ujë do jetë i garantuar në katër vitet e ardhshme”-tha Veliaj. Kur kanë kaluar më shumë se dy vjet nga rritja e çimit, që rëndon fort në xhepat e abonentëve, qytetarët vijnë të mbesin me sytë nga depozitat. Kudo, në çdo zonë të Tiranës, furnizimi me ujë, në çdo stinë të vitit është me orar.
“Ujë 24 orë, me 700 lekë m3! Pa lali Erin kjo sdo ishte e mundur!”-kështu ironizon gazetari Armand Maho, teksa sjell edhe disa foto që tregojnë tarracën e pallateve të mbushura me depozita.
Nga një studim i kryer pak muaj më parë, rezulton se qytetarët kanë “investuar nga halli” në të gjithë Tiranën rreth 200 milionë dollarë në vendosjen e depozitave, pompave dhe aksesorëve të tjerë të nëvojshëm për të pasur ujë. Deri në premtimin për “ujë të rrjedhshëm” 24 orë, të mbahemi me fjalët e rrejshme të Erion Veliajt.
