Qytetarët e Prishtinës janë zgjuar të tronditur mëngjesin e sotëm, pasi në rrugë është gjetur një person pa jetë.
Sipas zëdhënëses së policisë së Prishtinës, Flora Ahmeti, ngjarja është zbuluar mëngjesin e sotëm në orën 09:30 të mëngjesit në rrugën ‘Bill Clinton’.
Sipas Policisë së Kosovës, bëhet fjalë për viktimën mashkull E.L , 51 vjeçar.
“Sot rreth orës 09:00 kemi pranuar informatën se në rrugën Bill Clinton në Prishtinë është një person i shtrirë në tokë. Menjëherë në vendin e ngjarjes kanë dalë njësitet e nevojshme policore, si dhe ekipi mjekësor i cili ka konfirmuar vdekjen tij”, ka thënë ajo.
“Bëhet fjalë për viktimën mashkull, E.L, 51 vjeç. Aktualisht hetuesit policor janë duke ndërmarrë veprimet e nevojshme për të zbardhur të gjitha rrethanat që lidhen me këtë rast”, ka thënë tutje ajo. Nuk dihen detaje tjera rreth rastit.
